BRT雙柱私影

又係一年一度brt私影
其實都知無咩人會參加,所以同polly傾開搵d野黎影
本來我係同佢囧過我成日出d輸比佢既角色
想win返一次,有諗過叫佢出龍馬我出手塚再影雙柱移交
不過講講下,主意係多,但又變返我出龍馬,佢出返手塚
本身係想去沙灘影d唔知咩劇情
後來變左去返三家村影brt劇情,咁只有brt劇情先有多d發揮空間

今次人少少,計埋zue得我地三個
所以直接約左係鯉魚門果邊體育場等
我因為天真以為有巴士去鯉魚門果邊,花左好多時間搵,結果搵唔到轉返mtr
遟左去到果邊
因為我驚係公眾地方戴wig會嚇親人,所以我戴住出門
係途中發生d囧事
話說我上mtr,就有位坐,我埋去坐時又有一個男既走去想坐
結果我地企左係果個位度,個男明顯想夾硬坐埋去,但我又死唔讓
就係呢個時候,我有少少唔耐煩想抬頭同佢講比佢坐(佢高我好多)
點知個男一望到我,就笑笑口好溫柔咁講比我坐....
我坐低後滿頭問號,唔知佢仲咩
後來諗諗下...會唔會個男望到我頭頂以為我係男生,所以唔打算讓
我一抬頭佢先發現我係女既,佢就讓?好謎
最後我仲kai到見到有個空位,拍佢叫佢去坐XDDDDDD我似乎明玩佢///
其實呢下我有d後悔戴住個wig出門
雖然望上去好似無咩野,但總覺得d人成日望過黎,唔知係我心虛定點 = =
之後去到kt,就坐小巴入去,去到體育館
搵到個厠所,一入去,發現有個小男孩係度打開門除褲換衫
我同佢對望左一眼,個小男生害羞+不知所措
我反而好冷靜咁微笑(我自問係帥氣咁笑)揮揮手示意佢繼續,我就再轉彎直入更衣室果邊
一入到去,唔見polly,就心諗"pk,唔係入左男厠吧"因為之前果個小男生問題令我有呢個聯想
於是我走返出去再望下,無錯喎,係女厠呀
打比姐姐,原來佢係厠格XDDDDDDD
等左佢出黎我就入去換衫整野,等埋zue就起程入去
求其搵左個沙灘就影起上黎,影到半路，zue要出去mtr交收
所以我同姐姐互相影起"視點"相起黎
幾好玩喎,效果又唔錯XD
之後玩起畫字起黎,好爆笑呀,等埋zue,我地走左上去之前果個位影中尾段劇情
部長比我打死左呀..嗚...
其實個故事都幾淒美,但有d地方好難做表情,總之今日又係好愉快好kai咁影啦
仲要繼續以第三把槍做話題XDDDDD

有一part劇情我記得好清楚
係要龍馬轉身好激咁話"都無辦法喎"之類
我地三個係度商量個動作同表情
我話其實有兩個表情動作可以揀
其一係轉身兩手攤開,半無奈加激動咁話"無辦法喎"
另一個係轉身兩手握拳咁
唔知係咪我示範得kai，zue同姐姐笑到咩咁,最後揀左握拳果個XDDDDDD

影完堆劇情,開始影cp起黎
因為多花生客同花生狗,真係影起上黎無咩大突破(?)
影到半路,因為我想轉影誘受,但個腦空白左,果下只能叫部長坐底兩腳打開,我跪係度唔知做咩
(其實我唔知自己想點,只係試位試動作邊諗咁)
但部長好驚,猛話想點呀,角色動作錯誤,位置錯之類
我只能話"部長,你冷靜d,我做既野唔係你諗果d呀"我記得我連講幾次...因為部長真係好驚咁XDDDDDD
最後無頭緒,就放棄///////
影多一陣,係部長主動下,影左堆cp相,就換衫走人
出到mk 食飯,只係7點度...汗
食完飯就行左陣旺中再陪部長買wig就各自回家
今日都好充實XDDD好多笑料XDDDD