凱+佢朋友私服私影

呢個私影算係等價交換
話說凱原本搵左亂馬影,但亂馬又壞相機,所以凱想再搵人幫影
bbq果陣講起緋欠私影,我就叫埋佢去幫影做板童,我就等價交換咁幫返佢影
本來佢講時我唔打算話幫手影
因為我未試過幫人影私服(除左好耐前k姐果次外),二來有兩個人
有一個唔識,唔知佢要求如何,我自己對人都有要求,呢個先係問題因素
不過見無咩野做,就當幫下朋友啦,反正凱話佢朋友唔識擺pose想我幫手教下
咁都幾有挑戰XDD 而且凱既私服都值得去一影(未試過嘛XD)

個私影本身約左2點開始影
但唔知仲咩果兩個女人攪左好耐,結果攪到4點先影
我其實係家等唔係問題,但早少少話我知,我就可以再訓晏d先起身
攪到我等到由有心機變無心機,變唔想去
好想打去同佢地講係咪仲攪緊呀?係攪緊就取消啦,但我會比人打死XDII

因為事前知個女仔係咩樣咩外型,所以都無咩要特別注意地方
個女仔都幾難影,難影唔係佢個外型身形,而係佢成日記住點變化d動作同其他攝記點影佢
其實每個人有唔同影法,如果個個都咁影,模式太統一,我肯定你收到相望多幾次
就無心機再咁影法 = =
有變化先有進步,其實連基本basic動作未做好,想突變係好難一件事
點都好,我盡左力去影架啦//////////
快速影左個幾鐘就收工,我自己去搵巴士回家,由我出門到回家,只用左四個鐘!!!
本來係3個半鐘,但我記錯巴士位置,搵左好耐先搵到個巴士站有車回家..囧