緋欠私影

係zue再三提起下,結果我都走左去同佢私影左一次緋欠
呢個私影都拖左好耐,好似(?)由年頭拖到而家?
總之拖左好耐,因為再拖都唔係辦法,所以我走左去問貓貓借衫去影啦
件衫真係好大件,加左n個扣針都仲好大件好長(掩臉)
我果日係肥女主角(喂)

本來計畫去新娘潭影,順道探路,如果ok,可能有d私影過果邊影
不過一起床竟然見到佢落雨,一直落到我出門口
於是即刻打電話比zue佢地,改左去中大影,諗住圖個安全,落雨仲有地方避下雨
結果去到中大影,影足全日都無雨落,個天唔鍾意我去新娘潭,一定係咁 =o=
今次中大比蚊咬情況唔算嚴重,無當年影ccs果次咁慘烈,真好彩!!
同zue攪左一輪,就正式咁影
我同佢腦殘左唔知可以點影,我地兩個同凱+neko你眼望我眼咁
好在zue個nds有圖可以參巧跟住影,否則會好糟糕//////

影到中段,走左去玩魚,將d魚宮心計化左,勁kai
玩左一陣就走返去飯堂後面草地再多少少,因為天黑,快打快影起黎
有幾張相用到紅葉,所以neko大大扮起師父上黎,係度散葉驅魔
結果有兩次打中我同zue囉,玩野呀,死野 =口=
好在相出黎效果ok~~yeah
呢次真係辛苦凱同neko,要你地走來走去咁幫影~~~
今次天氣又焗,真係好熱呀...頂///

影多一陣就換衫去左a佬家食飯
好可愛呀,康仔佢~~比我想像中仲可愛!!!
雖然我家d狗都可愛,但對得多無feel
反而康仔好有吸引力,又肯痴人,真係好萌~~我對可愛野最無辧法~~IIII
之後食完飯就係度吹水,吹到11點幾急急腳咁走
去到樓下,行到一半,突然凱,a佬同neko狂奔起黎
我同zue O左咀,於是跑快兩步問neko咩事
佢話追車囉...噴血呀~~追車早講啦,我年紀大跑到半死呀..囧
好在係兩個男人(neko講)跑得快追到車
我地上車都半死左/////去到沙田再轉巴士回家XD